Minisiteri y'ubuzima ya Burkina Faso yemeje ko hari abantu babiri basanzemo iyi virus, nibwo bwa mbere iyi ndwara ihageze.

Abayirwaye ni umugore n'umugabo we baherutse kuva mu Bufaransa mu kwezi kwa kabiri muri uyu mwaka nk'uko minisitiri w'ubuzima Claudine Lougue yabibwiye abanyamakuru.

Ni umugabo w'imyaka 73 n'umugore w'imyaka 57. Ejo kuwa mbere nibwo babasanzemo iyi ndwara.

Umuntu wa gatatu byavuzwe ko yari bugufi cyane y'aba bombi nawe yashyizwe aho akurikiranwa byihariye.

Burikina Faso ibaye igihugu cya gatandatu munsi y'ubutayu bwa Sahara kigezemo iyi virus.

Imibare iheruka yerekana ko abantu 100 ubu banduye iyi ndwara muri Africa;

  • Misiri - 55
  • Algeria - 20
  • Africa y'Epfo - 7
  • Tunisia - 5
  • Senegal - 4
  • Morocco - 2
  • Kameruni - 2
  • Burkina Faso - 2
  • Nigeria - 2
  • Togo - 1